Paul the Silentiary

“Χεῖλος Ἀνικήτεια τὸ χρύσεον εἰς ἐμὲ τέγγει·  ἀλλὰ παρασχοίμην καὶ πόμα νυμφίδιον.”

“α. Οὔνομά μοι. β. Τί δὲ τοῦτο; α. Πατρὶς δέ μοι. β. Ἐς τί δὲ τοῦτο;α. Κλεινοῦ δ᾽ εἰμὶ γένους. β. Εἰ γὰρ ἀφαυροτάτου;α. Ζήσας δ᾽ ἐνδόξως ἔλιπον βίον. β. Εἰ γὰρ ἀδόξως;α. Κεῖμαι δ᾽ ἐνθάδε νῦν. β. Τίς τίνι ταῦτα λέγεις;”

“Ἀνέρα λυσσητῆρι κυνὸς βεβολημένον ἰῷ  ὕδασι θηρείην εἰκόνα φασὶ βλέπειν.λυσσώων τάχα πικρὸν Ἔρως ἐνέπηξεν ὀδόντα  εἰς ἐμέ, καὶ μανίαις θυμὸν ἐληίσατο:σὴν γὰρ ἐμοὶ καὶ πόντος ἐπήρατον εἰκόνα φαίνει,  καὶ ποταμῶν δῖναι, καὶ δέπας οἰνοχόον.”

“Ἡδύ, φίλοι, μείδημα τὸ Λαΐδος: ἡδὺ κατ᾽ αὖ τῶν  ἠπιοδινήτων δάκρυ χέει βλεφάρων.χθιζά μοι ἀπροφάσιστον ἐπέστενεν, ἐγκλιδὸν ὤμῳ  ἡμετέρῳ κεφαλὴν δηρὸν ἐρεισαμένη:μυρομένην δ᾽ ἐφίλησα: τὰ δ᾽ ὡς δροσερῆς ἀπὸ πηγῆς  δάκρυα μιγνυμένων πῖπτε κατὰ στομάτων.εἶπε δ᾽ ἀνειρομένῳ, “Τίνος εἵνεκα δάκρυα λείβεις;”  “Δείδια μή με λίπῃς: ἐστὲ γὰρ ὁρκαπάται.””