Leonidas of Tarentum

“Τὰν ἐκφυγοῦσαν ματρὸς ἐκ κόλπων, ἔτιἀφρῷ τε μορμύρουσαν, εὐλεχῆ Κύπρινἰδὼν Ἀπελλῆς, κάλλος ἱμερώτατον,οὐ γραπτόν, ἀλλ᾽ ἔμψυχον ἐξεμάξατο.εὖ μὲν γὰρ ἄκραις χερσὶν ἐκθλίβει κόμαν,εὖ δ᾽ ὀμμάτων γαληνὸς ἐκλάμπει πόθος,καὶ μαζός, ἀκμῆς ἄγγελος, κυδωνιᾷ:αὐτὰ δ᾽ Ἀθάνα καὶ Διὸς συνευνέτιςφάσουσιν ‘ὦ Ζεῦ, λειπόμεσθα τῇ κρίσει.’”

“Ποιμένες οἳ ταύτην ὄρεος ῥάχιν οἰοπολεῖτε  αἶγας κεὐείρους ἐμβοτέοντες ὄις,Κλειταγόρῃ, πρὸς Γῆς, ὀλίγην χάριν, ἀλλὰ προσηνῆ  τίνοιτε, χθονίης εἵνεκα Φερσεφόνης.βληχήσαιντ᾽ ὄιές μοι, ἐπ᾽ ἀξέστοιο δὲ ποιμὴν  πέτρης συρίζοι πρηέα βοσκομέναις:εἴαρι δὲ πρώτῳ λειμώνιον ἄνθος ἀμέρσας  χωρίτης στεφέτω τύμβον ἐμὸν στεφάνῳ,καί τις ἀπ᾽ εὐάρνοιο καταχραίνοιτο γάλακτι  οἰός, ἀμολγαῖον μαστὸν ἀνασχόμενος,κρηπῖδ᾽ ὑγραίνων ἐπιτύμβιον εἰσὶ θανόντων  εἰσὶν ἀμοιβαῖαι κἀν φθιμένοις χάριτες.”

“Εὐκαπὲς ἄγκιστρον, καὶ δούρατα δουλιχόεντα,χὠρμιήν, καὶ τὰς ἰχθυδόκους σπυρίδας,καὶ τοῦτον νηκτοῖσιν ἐπ᾽ ἰχθύσι τεχνασθέντακύρτον, ἁλιπλάγκτων εὕρεμα δικτυβόλων,τρηχύν τε τριόδοντα, Ποσειδαώνιον ἔγχος,καὶ τοὺς ἐξ ἀκάτων διχθαδίους ἐρέτας,ὁ γριπεὺς Διόφαντος ἀνάκτορι θήκατο τέχνας,ὡς θέμις, ἀρχαίας λείψανα τεχνοσύνας.”