“Εἰ δέ τισι τὸ Ἑλληνικὸν καὶ ᾿Ιωνικόν γένος ἐφυλάχθη καθαρῶς, οὗτοί εἰσιν αὐτάρκως μεγάλοι ἄνδρες, εὐρύτεροι, ὄρθιοι, εὐπαγεῖς, λευκότεροι τὴν χρόαν, ξανθοί, σαρκός κρᾶσιν ἔχοντες μετρίαν εὐπαγεστέραν, σκέλη ὀρθά, ἄκρα εὐφυῆ, κεφαλὴν μέσην τὸ μέγεθος, περιαγῆ, τράχηλον εὔρωστον, τρίχωμα ὑπόξανθον ἁπαλώτερον οὖλον πράως, πρόσωπον τετράγωνον, χείλη λεπτά, ῥίνα ὀρθήν, ὀφθαλμοὺς ὑγροὺς χαροπούς γοργούς φῶς πολὺ ἔχοντας ἐν ἑαυτοῖς· εὐοφθαλμότατον γὰρ πάντων (τῶν) ἐθνῶν τὸ Ἑλληνικόν.”