Anyte of Tegea

“"Anyte: Epigrams", Attalus (26 February 2018)”

“Θάεο τὸν Βρομίου κεραὸν τράγον, ὡς ἀγερώχως  ὄμμα κατὰ λασιᾶν γαῦρον ἔχει γενύων,κυδιόων ὅτι οἱ θάμ᾽ ἐν οὔρεσιν ἀμφὶ παρῇδα  βόστρυχον εἰς ῥοδέαν Ναῒς ἔδεκτο χέρα.”

“Ἑρμᾶς τᾶιδ᾽ ἕστακα παρ᾽ ὄρχατον ἠνεμόεντα  ἐν τριόδοις πολιᾶς ἐγγύθεν ἀιόνος,ἀνράσι κεκμηῶσιν ἔχων ἄμπαυσιν ὁδοῖο·  ψυχρὸν δ᾽ ἀχραὲς κράνα ὑποπροχέει.”

“ἵζευ ἅπας ὑπὸ καλὰ δάφνας εὐθαλέα φύλλα,  ὡραίου τ᾽ ἄρυσαι νάματος ἁδὺ πόμα,ὄφρα τοι ἀσθμαίνοντα πόνοις θέρεος φίλα γυῖα  ἀμπαύσῃς, πνοιῇ τυπτόμενα Ζεφύρου.”

“Οὐκέτι δὴ πλωτοῖσιν ἀγαλλόμενος πελάγεσσιναὐχέν᾽ ἀναρρίψω βυσσόθεν ὀρνύμενος,οὐδὲ περὶ σκαλάμοισι νεὼς περικαλλέα χείληποιφύσσω, τἀμᾷ τερπόμενος προτομᾷ:ἀλλά με πορφυρέα πόντου νοτὶς ὦς᾽ ἐπὶ χέρσον,κεῖμαι δὲ ῥαδινὰν τάνδε παρ᾽ ἠιόνα.”

“Ἡνία δή τοι παῖδες ἐνί, τράγε, φοινικόενταθέντες καὶ λασίῳ φιμὰ περὶ στόματι,ἵππια παιδεύουσι θεοῦ περὶ ναὸν ἄεθλα,ὄφρ᾽ αὐτοὺς ἐφορῇ νήπια τερπομένους.”